「天王嫂」樂基兒做模特兒不忘進修讀art，去年成功畢業。有繪畫底子的她，早前freehand繪畫桃花春牛圖，祝願人人在牛年都快樂、開心。
生肖屬猴的樂基兒（Gaile)在香港藝術中心讀了三年藝術課程，半工讀繼續做模特兒，去年終於畢業，五月更會在學校舉行畢業展，和同學一同展出她的影像作品。
十分鐘搞掂
Gaile早前為本報用marker筆畫春牛圖，在學校主修繪畫的她，構思了一陣，就freehand用10分鐘畫了Kawaii的桃花乳牛，非常快手，線條生動流暢，畫如其人，充滿童真甜美。Gaile說：「我響學校major係畫畫，不過我自己鍾意畫油畫，可以加加減減，有錯可以改。前年豬年都幫《蘋果》畫過，嗰時無咁confident，𠵱家落筆有信心啲、快手啲。」
Gaile謂自己從小不怕牛，她說：「細個時響美國成日都見到，因為媽咪住喺近郊區，所以成日見到啲食草嘅動物，好似牛、大角鹿，基本上你唔去搞佢，佢哋係幾nice，唔會點理人。」
學整蘿蔔糕
Gaile近年農曆新年，都會和男友甜蜜蜜滑雪度過，今個新年她搬到上水新屋，更學整蘿蔔糕，她說：「可能返美國探屋企人，或者睇吓佢（黎明）想去邊度。」黎明之前透露會帶樂基兒返北京老家，探望婆婆，十分溫馨。問到新一年的願望，樂基兒說：「希望人人都happytogether、人人都身體健康。」
採訪：林妙萍
攝影：林德雄