仲有兩日就過農曆新年，十幾年前本地球市尚算暢旺時，年初一嘅指定節目就係喺屋企睇賀歲波直播，去到年初四就入場睇決賽。
試過有一年同成班同學入場睇決賽，當時戲碼好強，係由強陣嘅日本對強陣嘅瑞典，連前日本國寶三浦知良都喺度，仲記得好似係前鋒高木琢也喺互射12碼宴客，搞到日本輸咗個冠軍俾瑞典。呢幾年啲賀歲波戲碼弱到爆，如果唔係工作需要，可能連乜嘢外隊來港賀歲都唔知。
今日係年廿九，英超聯讓路俾英足盃。本來曼聯對熱刺係好戲碼，但下個禮拜要打英超，九成留力，簡單買個入球「大」就算。
大細：曼聯「大」
心得：兩隊或齊留力，博「大」好過
近5場往績：WWLDL
青蛙仔
睇德國波同埋英國波大，大個之後攻埋日本波，兼且對日本藝能界幾有研究。