ECupBaby水着+Tee讓賽<br>雷凱欣Big爆比堅尼搶灘

ECupBaby水着+Tee讓賽
雷凱欣Big爆比堅尼搶灘

雷凱欣、劉欣宜(ECupBaby)聯同高清寶寶李浩汶(Isis)及林泳芝(ChiChi),前晚以比堅尼上陣,在尖沙嘴出席「WhyClub水着寶寶BikiniShow」,雷凱欣所穿的比堅尼包裹不住其豐滿的上圍,引得在場觀眾不停吹口哨和尖叫。

雷凱欣前晚與劉欣宜、高清寶寶李浩汶和林泳芝在尖沙嘴出席「WhyClub水着寶寶BikiniShow」,四女都穿比堅尼上陣,引得現場觀眾不停尖叫和吹口哨。

盼到台灣發展

雷凱欣更擔當形象設計,為其餘三人裁剪T恤,她說:「我自己剪T恤都幾有心得,同埋我有同佢哋分享點樣着泳衣冇咁易走光,其實只要拆咗個托,件泳衣面積大啲,就唔會咁易走光。」當記者指雷凱欣在四人當中年紀較大,她表示不同年齡有不同美感,她說:「大家嘅性感都唔同,我係女人味,佢哋就young啲。」雷凱欣又透露早前與Isis同遊台灣有艷遇,二人被台灣男士大讚靚女,她說:「我都好鍾意台灣,啲人又友善,我又好鍾意睇台劇,最愛係小豬(羅志祥),我都想去台灣發展,亦都唔介意上當地綜藝節目。」

ECupBaby劉欣宜雖穿上短Tee,仍露出深深的乳溝。

雷凱欣所穿的比堅尼,幾乎不能包裹其豐滿上圍。

ECupBaby做酒保

此外,早前曾指會封胸的ECupBaby雖然於泳衣外穿上短袖Tee,依然沒遮掩其美好身段,她指是第一次於酒吧行泳衣騷,故心情相當緊張,她說:「我唔擔心安全問題,因為在場兩邊都有保安,我只係怕自己肥咗,同埋今次酬勞都好好。」ECupBaby透露有朋友開了酒吧,她間中會客串擔任酒保,她續說:「我朋友都好想我多啲落去客串,佢想我幫佢做生招牌。」
採訪:何永寧
攝影:陳順禎

左起:ChiChi、雷凱欣、劉欣宜以及Isis的性感打扮各具美態。