張嘉兒、陳倩揚及陳敏之昨日於尖沙嘴出席無綫《互動新聞台》記者會，張嘉兒自言有想過做新聞主播，自己也有興趣向主持方面發展，雖然去年主持奧運時慘遭網友狂插，但張嘉兒表示不會因此事有陰影，她說：「我都想再試吓做主持，再有機會我唔會令大家失望，而且我之前都有去演藝學院讀有關主持嘅課程，都學到好多嘢。」
陳敏之搵定奶粉錢
對於有指張嘉兒與主持金剛拍拖多年，早前於長洲二人更攤牌分手，她說：「根本就係假，我同佢係好朋友，嗰日都唔止我哋兩個去，而且金剛都回應佢自己有個女朋友。」
此外、陳敏之表示今年新年不用開工，更會與家人四出拜年，她表示來年搵錢至上，問到她可有想感情事時，她說：「我諗我喺四十歲前一定會結婚生仔，總之𠵱家努力去搵錢，咁將來就可以畀到好嘅環境畀小朋友成長。」
採訪、攝影：王崇穎