今期輪到我同青蛙仔喺呢度同大家推介，我率先推介一條穩中求冷嘅混合過關3串4，同埋一條半冷嘅混合過關3串7，希望兩個推介都中，喺呢個寒冷嘅農曆年同大家送暖。
我一向有留意英冠，升班馬史雲斯雖然實力唔錯，但冇理由可以保持近11場賽事不敗，上場仲連前列嘅雷丁都贏埋，今場喺英足盃碰上英超樸茨茅夫，仲唔斷纜？老樸由阿當斯執教後雖然冇乜隊形，但球隊始終有一定質素，又有主場之利，[-1]嘅「主勝」有3倍，要捧。
冷吼曼聯熱刺「和/和」
英甲榜首隊李斯特城主場特醒，今季只係輸過一場，不過由於對手哈特斯菲爾德亦頗有韌力，李城[-1]開「和局」啱數。另外，荷甲海倫芬近況甚「弗」，但近3次迎洛達就有兩次開[半和]，今役亦一於扒冷要有2.65倍嘅[半和]。
半冷混合過關方面，英足盃大戰曼聯迎熱刺，由於兩隊領隊賽前都話會弱陣，如果唔係吹水嘅話，博呢場[半全場]開「和/和」實在有着數。另外，荷甲海倫芬喺今季所有賽事中，總入球開[4球]竟然多達13次，今迎洛達當然要跟。
至於祖雲達斯今季表現神勇，好大程度同一對前鋒阿馬利及廸比亞路當「弗」有關，鑑於兩人「首球」賠率冇肉食，一於冷敲助攻力強嘅後衞基謝拉。
文：吾中