楊千嬅自從加入Amusic後，一直傳她和老闆黎明（Leon）不和，近日又有消息指千嬅約滿後寧願選擇和死敵鄭秀文同公司也要跳槽到東亞。千嬅前晚錄影《勁歌金曲》時被問到此事，直言傳她跟Leon不和絕對正常，她笑說：「唔通我同Leon傳緋聞咩？」
自楊千嬅多年前加入黎明的Amusic唱片公司後，便一直傳兩人不和，雖然他們多次以行動闢謠，然而不和傳言依然不斷，近日又傳千嬅約滿Amusic後，寧願跟死敵鄭秀文同公司，也要跳槽到東亞，決定不跟Leon繼續合作。
丁子高家拜年
千嬅前晚到將軍澳電視廣播城錄影《勁歌金曲》，記者向她求證此事，她笑說：「成日都咁講，我同Amusic仲有好耐約，娛樂新聞就好似奶油多咁，係人茶餘飯後嘅話題，吹水新聞，不過傳我同Leon不和都正常，唔通我同Leon傳緋聞咩？話我哋和睦就好悶。」
千嬅農曆新年將在港休息，希望養好氣管，她謂每年都有不少親友到她家拜年，問會否去男友丁子高屋企拜年？千嬅說：「朋友團先會sms互相祝賀大家，遲啲先再約埋一齊去拜年，唔止佢，我同唔少人嘅家人都好熟，好似何韻詩咁。」
Niki避講嘉穎
問同場的周麗淇（Niki）今次到電視城，會否擔心遇見舊愛鄭嘉穎和情敵佘詩曼？她說：「唔好問，好舊，講咁耐，09年大家唔好問我，唔會講。」記者提議找個新男友擋駕，Niki認為感情要隨緣，她坦言近日有不少狗仔隊跟蹤她，想知她有沒有新戀情，Niki坦言感情目前未有着落。
那家人有沒有向Niki催婚？她笑說：「係都家姐先，佢都未結幾時到我，我都想佢快啲結婚。」麥浚龍（Juno）則表示緋聞女友鍾欣桐星期三（21日）28歲生日，他有恭喜她，但其他事情不願透露。
採訪：何慧斯
攝影：林德雄
