牛年將近，不少人都趁機往維園及旺角花市買年花年貨準備過年，鄭丹瑞（阿旦）和林姍姍日前相約Now香港台的幾位同事到旺角花墟行花市。阿旦行到年桔攤位還貪玩地摘年桔吃，而姍姍見到賣雞蛋仔檔攤又落手整，姍姍說：「由細到大我都好想試吓整雞蛋仔，以前讀書見到阿伯整覺得好得意，今日終於一償所願。」
姍姍更自爆每年都會跟五個姨甥仔女組團到朋友家𢭃利是，問到會否催鄭伊健和蒙嘉慧快點結婚派利是，姍姍說：「我已經同所有朋友講過，無論結咗婚未，到30歲都一定要派利是，如果唔係就詛咒佢今年唔吉利，所以伊健都派咗幾年！」
黎燕珊唔擔心裁員
亞視踏入新一年裁員又改革，不過回巢亞視的黎燕珊一於少理，日前她與囝囝Dicky到旺角花市，兩人買了一對金牛公仔和一大堆零食應節。提到亞視內部如此亂有否擔心？她說：「唔擔心，我哋係公司嘅生財工具，所以都唔擔心裁員嘅嘢，我對張生（張永霖）都幾有信心。」
採訪、攝影：林惠卿
黎燕珊服裝：中藝