金融海嘯，連任總管理嘅外滙基金都蝕大錢，埋單計數每個香港人蝕萬幾銀；香港人要自救，頭腦就要更靈活。DVD舖嘅生意頭腦實在值得一讚，每到情人節、聖誕節，就喺當眼處擺滿愛情片，臨近過年，當然就由喜劇、演唱會同搞笑talkshow做主角，數年前過年，無端端翻出賭聖VCD，結果又令我乖乖進貢39蚊；今年嘅主角係家有喜事，星爺、哥哥、三姑等經典演繹，伴以年糕、瓜子，總係好襯。
未到過年，熱刺已率先上演喜劇，英聯盃4強首回合領先4:1，次回合竟輸番0:3畀般尼，大話夾好彩加時贏番入決賽。今次英足盃作客曼聯，上演英聯盃決賽前哨戰，如果又係早段失波，肯定入球「大」。
大細：曼聯「大」
心得：熱刺後防差
近5場往績：WLDWL
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！