早前大爆日本女星賣肉換取工作嘅前水着女星小向美奈子，前晚喺六本木俾警方拘捕。小向嘅前男友舊年6月俾警方以非法闖入他人住所為由拘捕，當時警方喺佢嘅住所搵到一啲迷幻藥，佢同警方講小向美奈子有份使用呢啲違禁藥物。警方去年夏天已對小向發出逮捕令，由於小向近年居無定所，警方前日先喺六本木街頭發現佢，並將佢逮捕，小向卻否認指控。