滙控（005）終於開聲，否認有即時供股計劃，股友們宜留意「即時」呢兩個字。一段消息聽在不同人耳中，會有不同解讀。滙控有冇集資需要，市場分兩派，星俠強調自己屬認為「滙控有需要供股」一派。星俠以為，3月2日滙控公佈業績，距今時間其實唔算長，大可等到時才宣佈兼詳細解釋點解要集資，如果咁都等唔切，情況就真係好差。
唔知係咪經濟真係轉差，內地人開車頻率有所下降，廣東省屬全國經濟寒暑指標區域之一，在省內擁有不少主要收費公路的深高速（548）公佈12月營運數據，大部份道路車流量及收入均見下跌。
首個阻力2.84元
公路股雖係淡市之選，但深高速本月中升近3.20元即見阻力，之後緩步下挫，昨低見2.66元後反彈，收2.79元，冇升跌。深高速50日線暫有支持，但2.84元至2.90元阻力大，短炒值博率不大。
方星俠