恒生銀行（011）一班高層由大班柯清輝（左四）帶頭向市民拜年，一字排開喺恒生總行門口影靚相，本嚟冇乜新意，不過睇真啲，相中原來有玄機！ 柯大俠拎住張財神年畫，另外4位高層就分別拎住「恭賀新禧」4個字，直頭係跟足佢哋背後嘅佈置。好明顯，柯大俠就係財神，之但係，唔知點解常務董事兼副行政總裁潘仲賢（左三）拎住個金元寶，對應背後嘅裝飾，咁佢咪變咗做小嘍囉？