花旗股市跌得急彈得勁，奧巴馬就職美股急跌，前晚道指反彈近300點，總算冇咁失禮，道指試穿8000關後迅速彈番上嚟，照計唔會咁短癮，噚晚應該可以再升多轉。
滙控（005）跌咗好多日，噚日終於升番3.6巴仙，不過，期指就嚟結算，班淡友睇嚟仲會㩒住隻滙控，至於好友嘅籌碼主要都係中資股，因為A股呢排走勢唔錯。
長實C輪15419：長實（001）昨收68.55元，升0.8巴仙。長實都算係重磅恒指成份股，好友托市，話唔定會搵埋佢幫手，短線炒上可試74元，破位就推上78元，可以諗吓隻C輪15419，昨收11仙，有效槓桿3倍。
正股升上78元，15419可見16仙，如果正股跌穿64.50元，就沽咗隻輪止蝕。
俊樺