薛家燕前晚到上環辦年貨，雖然有指她受金融海嘯影響身家大縮水，不過她坦言辦年貨不會慳，利是也不會縮水，她笑說：「過年係中國傳統大節，我都會同往年一樣，買啲鮑魚、花膠同燕窩，我覺得利是派得越多，派利是嘅人會越利是。」
登台加歌唔減價
談到牛年願望，家燕姐說：「梗係希望股市升番啦，同埋希望今年工作唔好咁操勞，我好想叫大女返嚟幫我手搞『家燕媽媽』啲生意，不過我會由佢諗清楚。」今年家燕姐因要拍《金錢誘罪》，不能往美加登台，至於有否被要求減價，她說：「我接咗兩個內地登台騷，都冇要我減價，只係叫我唱多兩首歌，我覺得賺到錢都想幫吓人，所以訂咗一千個金元寶出嚟拍賣，每個賣200元，籌得20萬元善款會買暖風機送去四川畀災民。」
採訪：何慧斯 攝影：陳志嵐