安琪蓮娜祖莉、舒淇的性感厚唇，迷倒中外男士。同樣擁有厚唇的謝婷婷，卻自爆小時候曾為豐厚嘴唇感到困擾，經常用牙含住嘴唇扮細嘴，現時做模特兒才慶幸唇靚。對於大嫂栢芝再懷孕，婷婷謂打探下栢芝並未有第二胎，但希望她能生多幾個，讓Lucas可以有多個細佬和細妹。
謝婷婷、模特兒諸葛梓岐、姚書軼、周秀娜和莊思敏等，前晚在中環示範Shiseido彩妝。婷婷穿上短身黑裙示範唇部化妝，她坐下時差點走光，惟有小心翼翼用手按着，她謂小時候常因唇厚而受困擾，她說：「細細個成日含住個嘴，睇落薄啲，因為覺得自己嘴唇厚，後來發覺唇厚都好，𠵱家好滿意，媽咪成日讚我個嘴。」
稱大嫂冇懷孕
婷婷謂前晚和家人吃飯，她的大嫂張栢芝之前被指懷第二胎，母親狄波拉、栢芝母親及婷婷自己也承認過，近期又有傳栢芝並沒有懷孕，婷婷說：「佢身體OK，但佢唔係有咗，我噚日問咗BB（指姪仔Lucas）保母，佢都話唔係有咗。」為何不親口問栢芝？她說：「因為知道今日見到記者，我想makesure咗先答。」
「佢係好媽咪」
婷婷又解釋之前以為栢芝已承認，她才有「唔係過百日先講得」的言論，婷婷又說：「我梗係想佢生，生得越多越好，因為唔係人人都適合做媽咪，佢係一個好媽咪，Lucas咁靚仔，好active，希望可以生多幾個細佬妹畀佢。」
此外，陳見飛與男友Felix、鄧麗欣（Stephy）、李樂詩和汪圓圓等都有捧場。陳見飛透露近期由洛杉磯回港居住陪男友，聖誕期間也有探過胞弟陳冠希，陳冠希公司趕新總統奧巴馬熱出tee，陳見飛謂都有捧場幫襯，她說：「細佬生意幾好，OK，啲衫賣得好好，我知佢出奧巴馬tee，我都支持奧巴馬，我留咗兩件，同男友一人一件。」
Stephy早前被指得緋聞男友方力申資助，入住月租兩萬多元的貝沙灣，她說：「係我自己畀租，我唔知佢嗰度有樓，知就會叫佢友情半價租畀我。」更謂今年中想買千呎海景豪宅。採訪：LawWaiMan
攝影：ChanChiLam