羅志祥（小豬）最新專輯《潮男正傳》再度登上7個榜成為冠軍，雖然近日買榜新聞傳到熱烘烘，但係小豬無懼再受嫌疑，特意喺噚日舉行咗個「撐腰挺SHOW大集合」慶祝活動，佢仲大送情深擁抱畀現場歌迷，難怪即時吸引二千幾名fans到場，除咗佢班老友現身支持，最令小瑪歌感動係連小豬媽咪都嚟撐場，羅媽媽仲抱起小豬，實行用行動支持愛兒。