金像影后梅麗史翠普（MerylStreep）噚日去到東京宣傳歌舞片《媽媽咪呀》（MammaMia！），一身粉紅裝束出席記招嘅梅姨，話拍呢齣戲時好開心，工作氣氛好又有希臘靚景，話唔收片酬都冇問題。噚晚電影舉行慈善試映會，就連日本皇后美智子（左）都前嚟捧場，原來皇后係梅姨fans，令梅姨受寵若驚，雖然佢睇過套戲N次，但都樂意再陪皇后睇多一次。