《家有囍事2009》前晚於會展舉行慈善首映為保良局籌款，演員之一的吳君如早前被指軍訓教女，她澄清自己是一個懶媽咪，更指傳聞令女兒食死貓。另外鄭中基於言談間肯定了蔡卓妍（阿Sa）的女友地位，他更指對方有時間的話可與家人一同到日本度假。
一眾《家有囍事2009》演員古天樂、吳君如、鄭中基、李香琴以及夏春秋等聯同導演谷德昭及監製黃百鳴，前晚到會展出席慈善首映禮。其他嘉賓則有熊黛林、章小蕙、導演谷德昭緋聞女友林子萱以及甄子丹等。
鄭中基被記者取笑戲中被女友蔡卓妍大讚靚仔，他說：「佢都係講對白啫，我估佢自己今次有份做會買飛捧場。」鄭中基透露將會與家人到日本旅行，問他會否與阿Sa同行，他尷尬地說：「嘩！得閒就一齊啦。」
狂讚阿Sa好女仔
有記者指二人感情穩定，問鄭中基何時公開戀情？他面紅紅說：「OK啦，遲啲先啦。」再問他是否怕公開戀情會影響阿Sa，鄭中基說：「唔關事，𠵱家啲fans好開通，我肯定佢係一個好女仔，係一個好朋友，唔通係男朋友咩。」似乎他已逐漸公開與阿Sa的情侶關係。
戲中另一位主角吳君如則穿黃色裙現身，不過看上去像凸點，她解釋可能天氣凍有反應，對於有指她軍訓式教女，她笑說：「我係最懶嘅媽咪，搵幼稚園搵咗一間，課外活動又得畫畫一樣，我個女唔識泰文，反而佢成日同工人講英文。」
對於有指君如為了女兒請了一個司機及兩個工人，君如覺得令女兒食了死貓，她說：「個女出世前已經係有一個司機同兩個工人，請司機係畀阿爸阿媽用，個女今次食咗死貓。」問到君如新年會否出埠？她笑言：「我帶個女返去泰國軍訓啦，其實我係返去同奶奶拜年。」
君如認節目抄襲
對於有傳君如本想提議由王貽興擔任《星星同學會》主持，又指她不滿錢嘉樂搶鏡，她說：「王貽興得嗰30歲，我同家樂拍戲時佢重用緊尿片啦，同埋好耐之前都想搵嘉樂合作，佢又夠膽窒啲嘉賓。」另外有指《星星同學會》抄襲台灣節目，君如指香港節目比較落後，她說：「香港啲節目唔係遊戲就係煮嘢食，大家話抄邊個節目都得㗎啦。」
此外，阿Sa早前到了長沙出席湖南衛視的春節晚會錄影，她近日又忙於拍台劇，經常中港台三地飛，阿Sa說：「我已經開始習慣瞓酒店嘅床，當然都好掛住屋企嗰張。」
採訪：藍文浩
攝影：陳志嵐