奧巴馬就職，花旗嗰邊啲人情緒都幾高漲，但係股市就麻麻，道指大跌4巴仙收市，納指同標指仲傷，跌超過5巴仙，銀行股俾人插到遍體鱗傷，真係NoEyeSee，如果銀行股唔企番穩，個市仲有排跌。
港股噚日都預咗要插，全場睇實隻滙控（005），雖然再跌2.50元，但係跌幅已經比預期細。上海A股指數收市只係微跌0.5%，個勢仲好好，短線可以反覆推上。
A50C輪15350：A50中國基金（2823）昨收8.91元，跌1.7巴仙，前兩日上試100日線，破唔到轉為橫行，睇個勢遲啲會再衝100日線，破位會有唔錯嘅上升空間，先睇10.50元，可以諗吓隻C輪15350，現價14.4仙，有效槓桿3.3倍。
正股升上10.50元，15350可見24.2仙，正股跌穿8.40元就沽咗隻輪。
俊樺