教育局局長孫公被稱為「拆彈局長」，任何奇難雜症到佢手上自然迎刃而解，然而面對真炸彈，孫公都冇符。八方聽聞佢本來打算4月訪問以色列觀摩教育制度，不過由於當地局勢緊張，政府日日都發出警告，提醒有計劃前赴以色列及相關地區嘅港人，應密切留意當地局勢，孫公冇理由唔以身作則走去以身犯險啫，萬一被困危城，要派出包機接佢就麻煩。
加上嗰個所謂嘅「微調」方案未正式實行，可能仲有炸彈要拆，孫公又點行得開？佢上任以嚟，近年先後去過芬蘭、秘魯等唔係以英語作為母語嘅國家，考察當地學生如何學英文，舊年又去過澳洲；今次去唔到以色列，孫公可以考慮去非洲訪問。