恒生私人銀行揸fit人朱婉儀拉隊過檔。話說，噚日巴克萊財富（BarclaysWealth）宣佈，委任朱婉儀做佢哋嘅董事總經理及私人理財部北亞區聯席主管，直接向亞太區行政總裁DidiervonDaeniken滙報。另外仲請埋佢嘅舊同僚任麗珊、李景文同錢翠茵，一齊過檔。
過檔巴克萊財富
曾經做過AO嘅朱婉儀，93年加入恒生做副董事長兼行政總裁私人助理，97年開始轉去私人銀行做經理，之後步步高陞，到2000年仲做埋高級經理兼私人銀行及信託服務部主管。
巴克萊想發展亞洲區私人理財業務，所以搵返嚟嘅都係呢方面人才。朱婉儀喺恒生做咗8年私人銀行同信託服務部主管，其間帶領私人銀行提早3年，超標完成盈利翻一番嘅目標。至於3位跟佢過檔嘅fit馬，喺銀行界超過20年，全部都有為高淨值客提供專業服務嘅經驗。