蘇格蘭皇家銀行前晚股價大跌，滙控（005）亦受牽連，最多跌過14%，挨近51元，返到香港叫做穩番啲，昨跌7.7巴仙收市，報收57.50元，成交好大，如果冇新嘅壞消息，跌勢可以暫時喘定。
淡友借住滙控弱勢大舉進攻，不過好友力守12800，推番上12959收市，昨晚花旗股市造好嘅機會較大，今日港股應該可以重返13000之上。
中移動C輪14852：中移動（941）噚日上晝都俾人㩒住砌，晏晝就令人眼前一亮，最多反彈過4.05元，收報69.95元，升1.1巴仙，短線會係好友反攻嘅主力，有機會試75至78元，可以諗吓隻C輪14852，現價10.1仙，有效槓桿3.4倍，正股升上78元，14852可見14.5仙水平，正股跌穿66元就沽咗隻輪止蝕。
俊樺