還有不足一星期便過年，忙於置新裝同時，可有想過連髮型都要煥然一新呢？即請星級化妝師GaryChung教路！無錯，Gary在行講化妝，但原來對髮型都有研究，無論直變鬈還是鬈變直也有一套自我風格，加上Gary話來年時興貓眼妝，就索性以髮型配貓眼妝顯出個性來。
記者：郭佩韻
攝影：陳陶鈞
Model：Tobee@Starzpeople
Makeup&Hair：GaryChung
星級化妝師Gary
今年大熱化貓眼妝，怕太過火，可選擇配襯一把長直髮，艷麗得來亦帶點含蓄。
絕襯艷貓眼
Gary話日本近年大熱貓眼妝，貓眼感覺妖艷，但Gary話只要加個裸唇及誇張眼妝即可。貓眼的粗黑眼線可以黑色眼影粉代替，因為會較易控制，其次可先畫較粗身液體眼線，再以黑色眼影粉掃在雙眼皮位，就可輕易做到靚靚貓眼妝。
貓眼重點是黑色粗眼線，當眼線畫至眼角時，沿眼角位微微畫出一點。
襯貓眼還要有濃密的睫毛，嫌睫毛液效果不夠強勁，可黐小束假睫毛。
唇色不宜太深，想做裸妝唇色，Gary話可以在唇上掃上碎粉或粉餅。
蒸氣弄直髮
長直秀髮如果不順滑，很是大殺風景。以前用過直髮器，總覺得順直效果不夠持久，後來才知道原來是缺少了負離子蒸氣輔助，利用溫度令頭髮順直，更可減低對頭髮的傷害。Gary教路，一把長直髮加上頭頂擯辮髮髻造型，可立刻令造型變得斯文大方。配合大膽浮誇的貓眼妝容，與長直秀髮可令觀感平衡，變得份外耀眼。
分出額頭至頭頂位置部份頭髮擯辮，由頭頂擯至近髮尾約1/3長度，不用以橡筋箍實。
接着把擯辮髮尾扭上頭頂，形成髮髻後，以髮夾固定。
直髮器捲髮用
沒想過直髮器可當捲髮器用，但Gary話其實用直髮器做鬈髮效果會更自然，「平日用熱捲器夾鬈髮，效果會比較實，若果想頭髮自然微微鬈曲，可把髮尾捲在直髮器上造出微鬈效果，VidalSassoon新出的負離子蒸氣直髮器，利用蒸氣釋出，把頭髮弄直，可減少散亂的髮絲，加少少耐性即可同時當捲髮器使用。」如果想有造型感覺，Gary教整的泡泡小髻，造型感覺隆重且有女人味，弄一大把鬈髮過新年也是個不錯的選擇。
用直髮器作捲髮用，可先把髮尾捲在直髮器上，夾實3秒，做到蓬鬆鬈髮效果。
捲好頭髮後，分出頂頭部份頭髮，並用梳刮鬆髮尾。
把頂頭分出來的頭髮向內扭3圈，並輕力向上推，再用髮夾固定。
查詢：
VidalSassoon（27514604）
Lancome（21968321）