朱孝天同林熙蕾（小圖）近日有傳秘密喺日本東京結婚，噚日一臉浮腫嘅朱孝天錄影台灣節目《綜藝大哥大》否認結婚傳聞，不過小瑪歌見佢右手中指戴住隻戒指，佢解釋話：「傳言很無聊，我有去日本，但是生日當天身體不舒服，所以沒走出酒店。」朱孝天仲透露林熙蕾有send短訊同打電話祝賀佢生日，但堅持喺日本冇見過女方，明明係朋友都唔見面，似乎仲難以令人相信。