成龍噚日到救世軍大坑東社區中心送羽絨畀老人家。有指成龍截咗周星馳糊，接演荷李活片《龍威小子》（TheKarateKid）中空手道師傅一角，成龍噚日證實接咗套戲，但片名未定。有指佢取代周星馳，成龍話冇乜邊個取代邊個，之前都唔知周星馳有份參與。至於佢主演嘅《新宿事件》因太暴力，唔可以喺內地上映，佢話拍嗰時冇諗過要喺內地上。