金融風暴除令張學友慘蝕4,000萬外，滙豐（005）股價也持續下跌，昨日收市更跌落$62.3低位。「邦民女」Kama（羅凱珊）去年11月在金融風暴後用20萬以$78價位買入三手滙豐、中交建及招行投資。
微賺即收手
昨日Kama表示去年買入滙豐後，微賺已經放了，她說：「買咗之後，冇耐升咗少少就賣咗，因為嗰時啲人話09個市仲亂，所以賺少少就賣咗先算，𠵱家都覺得少少好彩。」
問Kama今年有何投資心得？她說：「我冇乜買，因為個市都唔係好穩定，等完咗第一季先啦。𠵱家專心工作，儲定啲錢先。」但她表示再投資也不會買滙豐，她說：「買一手滙豐要幾萬蚊，都幾貴，我諗住買啲平啲嘅，內地嗰啲銀行股，工商、建行個類，同一嚿錢可以買多幾手。」