噚晚花旗股市假期，農曆年假又逼近，噚日港股買賣兩閒，成交唔夠380億，悶市一個。不過，上日花旗股市造好，內地股市上升，港股都有啲支持，恒指升咗84點，如果外圍冇不利變化，恒指有機會再推高幾百點，但市況仍然會好淡靜。
投資者要捕捉大市出現大變動，要繼續睇實隻滙控（005）。炒短線，都係要揀中資股，因為氣氛好啲。
平保C輪15601：平保（2318）昨收36.05元，升2.4巴仙，連續第6日喺條50日線運行，成交縮咗好多，不過技術指標就靚咗，如果呢幾日升返上40元附近，農曆年假後有機會推上43元，可以番兜隻C輪15601，昨收1.48元，有效槓桿2倍，正股升上43元，15601可見2.08元水平，正股跌穿32.50元就沽咗隻輪止蝕。
俊樺