花旗股市上禮拜五在花旗政府公佈新計劃支持美銀及花旗集團後造好，港股今早應可受惠，但升勢能否持續，就要睇滙控（005）嘅表現。
繼大摩同高盛之後，惠譽都唱淡滙控，睇嚟淡友會繼續將滙控質低。年初四係假後第1個交易日，又係期指結算，相信本周五嘅期指戰況會好激烈。奧巴馬上台後，花旗股市有機會炒高贈興，相信係好友最希望見到。
招行C輪15510：招行（3968）上周五收12.32元，升3.3巴仙，月初股價升到100日線受阻，掉頭調整嘅跌幅唔細，𠵱家企穩炒番上去，潛在升幅都幾吸引，先睇14.50元，可以諗吓隻C輪15510，現價28仙，有效槓桿2.6倍。正股升上14.50元，15510可見42仙，有5成升幅，正股跌穿11.30元就沽咗隻輪止蝕。
俊樺