周秀娜和麥浚龍（Juno）昨日以嘉賓身份出席東港城一環保活動揭幕禮，周秀娜透露近日忙於購置新年物品，日前已買了數套紅色內衣，她說：「我特登買幾套，keep住每日都換新。」她又直言今年犯太歲，日前更不小心撞崩鼻，她說：「我撞咗上格床，仲痛到喊咗出來，𠵱家都仲有啲腫，唔知會唔會俾人以為我整容。」
Juno泰國倒模
Juno則表示月底會到泰國為即將開拍的電影做特技倒模，不知下身是否也要倒模？他說：「如果要倒尷尬部位，導演應該事先會同我講，所以我諗應該都係倒頭、手呢啲見得人嘅地方。」
蔡卓妍（阿Sa）日前在廣州演出舞台劇，Juno的緋聞女友鍾欣桐（阿嬌）也有到場支持，問到阿嬌是否計劃復出時，Juno說：「我同佢好少傾公事，佢復出呢啲嘢我都唔係好知，應該問番佢公司。」
採訪、攝影：林惠卿