賈曉晨（JJ左）同裕美噚日到鑽石山出席賀年活動，JJ見到個牛公仔即時愛不釋手，佢仲抵死咁玩個公仔個乳房，JJ話：「好得意嘛，而且我記得自己到5歲時都仲要摸住媽媽個胸先瞓得着㗎！」裕美見到張揮春寫住「桃花運大旺」時就好鬼歡喜，仲話要喺新一年有多啲桃花，不過當提到緋聞男友陳柏宇時，佢即刻話：「桃花多啲好，唔好得一件！」