吳文佩婆婆願意每年將投資回報捐出，其孫女林淳對嫲嫲十分支持，她指摘政府一直不重視長者政策，派發生果金及長者醫療券，也是小恩小惠，根本不能滿足弱勢長者需要，「呢啲都係嫲嫲想幫老人家嘅原因。」
批評特首唔尊重長者
林淳說，每名長者年輕時都對香港付出過，但政府對他們的協助微不足道，每月生果金只有1,000元，「如果唔係就唔會有咁多老人家喺街度執紙皮啦。」她又批評特首曾蔭權早前要求就生果金引入審查制度，是無視生果金的敬老精神原意，「咁做好唔尊重長者。」她又指政府向每位長者每年發放合共250元的醫療券只是小恩小惠，「睇一次醫生都冇晒筆錢，咁算幫得幾多呢？」
理工大學應用社會科學系講師張超雄稱，長者服務仍有很多不足之處，例如輪候資助院舍就需四年之久。他批評政府將長者當成負擔，投放的資源及優先次序都較差，「政府當青年人係投資，甚至用幾億翻新青年中心，但好多長者其實都冇能力照顧自己，政府只係當佢哋係一個沉重支出。」
本報記者