許志安即將推出新曲加精選，他首次執導一段半小時短片《魔方宅男》，碟內更附送一隻個人特輯，找到多位好友大談對他的感受，當中鄭秀文（Sammi）提及與安仔之間的感情，更指安仔的情歌最能打動她。
許志安新歌加精選《自導自傳》將於周三（21日）推出，CD中除收錄安仔於華星、正東、東亞這三間唱片公司最hit的歌，並附送一隻由安仔執導的半小時短片故事《魔方宅男》DVD外，還有一段40分鐘個人特輯。安仔的好友鄭秀文、張衞健、軟硬天師、蘇永康、雷頌德、黃柏高等等大談對他的感覺，內容笑中有淚。
「佢好包容我」
Sammi於特輯中指安仔愛發表意見，作為他的朋友一定要有耐性去聆聽，她又多謝安仔包容其缺點，她說：「以前我細個，佢一直好幫助我成長，好包容我性格缺點，工作上幫到我處理好多問題，工作以外係我良師，用好多耐性包容我，令我有多個人幫我睇每件事不同角度，唔使咁主觀。」
最後Sammi以大太陽形容安仔，又讚安仔有男人味，她續說：「佢畀到好多正能量身邊人，佢最有男人味係《男人最痛》嘅階段，佢啲情歌打動到香港人，包括我在內，希望佢唔好放棄佢嘅根，因為佢把聲好有味道，唱慘烈情歌最好，鍾意佢嘅人，最鍾意係佢嘅聲線。」
撰文：林妃