睇完戰友畢傑兄嘅冷藏富，就輪到小弟提供冷膽，希望幾十蚊博到6位數字番嚟；小弟向藍鑽石嘅地盤埋手，推介兩場意甲冷嘢畀大家。
周日意甲尾場大戰由拉素主場對祖雲達斯，祖記聯賽已經5連勝；不過前仗對錫耶納，除咗上半場廸比亞路射個靚罰球先開紀錄，但之後無以為繼，錫耶納好彩啲下半場有權追和。祖記目前傷兵仍多，甘莫蘭尼斯、沙歷咸美斯、薛比拿等繼續缺陣，真係當廸亞比路係神咩？拉素近3仗聯賽取得2勝1和，近3仗7個入球當中，有4個為下半場取得；一於博祖記上半場先開紀錄，下半場被拉素迫和，博15倍半全場[客/和]。
博卡坦尼亞贏3:2
博洛尼亞呢支意甲升班馬，小弟都留意咗好耐，由米赫洛域接手後，竟然保持8場不敗，但上仗對基爾禾開始有斷路迹象。相反，主隊卡坦尼亞近況一般，但竟夠膽開「讓球主客和」，證明主W有信心，既然主場已贏過2次3:2，一於再追呢個34倍波膽。
周日澳職場次，紐卡素噴射機主場對珀斯光輝，主隊已無緣季後賽，客軍亦只得數字上有可能，既然沒有心理包袱，可期大手交易，以光輝作客輸親都大大鑊，今次博噴射機主場贏4:1。文：牽牛