呢排成個人都好寒，除咗天氣寒冷，仲見到唔少公司賺錢都裁員減薪，真係心都寒埋。我個friendPhoebe前日專登攞咗壺嘢嚟office畀我飲，一打開，甘氣撲鼻，仲熱辣辣，原來係蜜梨薑母茶。
西洋梨杏仁露嫩膚
Phoebe仲教我點整㖭，將三片老薑洗淨後拍扁，用凍水浸五分鐘，西洋梨洗淨後去皮、去芯，將梨同薑加入兩杯水煮滾，最後放入桂圓肉及紅糖焗五分鐘，飲咗促進血液循環、生津祛寒。
佢仲順便教我做美容嫩膚嘅西洋梨杏仁露，將半杯龍皇杏、半湯匙南北杏，同少少雪耳加水浸軟備用，杏仁用攪拌機加入三杯水高速打碎，用豆漿袋隔渣，然後將梨去皮去芯後用攪拌機高速打成梨蓉，隔渣備用。將杏汁加入冰糖、雪耳用慢火煮滾，再一邊攪拌一邊加入梨汁與蛋白，熄火加蓋焗製兩分鐘。佢話，呢排西洋梨當造，而且每個有198毫克鉀、7毫克維他命C。
逢周日刊出
電郵：mailto:[email protected]