上期畢傑重心推介嘅冷嘢馬拉加，結果如願作客贏咗貝廸斯，都叫做開到個3.65倍冷W。今期就玩「總入球」，要艾美利亞迎戰馬德里體育會演入球騷。
我就喺〈西甲大勢〉推介咗馬體會贏3:2，皆因阿古路及時復出，又有沙保沙同麥斯洛廸古斯等炮手壓陣，入波唔會少。艾軍同樣有尼格度呢位頂級射手數糊，我貼場波開「5」球，有10倍抵買。慎防最後爆出3:3，波友有彈藥可兼顧埋18倍嘅「6」球。
追馬拉加「主勝」
馬拉加呢期順，梗要繼續追，我好欣賞嘅攻擊鐵三角上場又顯威力，三星之一嘅艾利素結果射入奠勝。周日迎戰續缺廸拉彭拿同達蒙度、守將巴里查停賽嘅愛斯賓奴，[-1]嘅「主勝」有3.9倍，可以一試，波膽就吼實2:0。雖知愛斯賓奴剛出戰完西盃16強次回合，場波都係靠艾積多自己擺烏龍先贏到波晉到級；相反，馬拉加就唔使打西盃，大家識買啦！
最後玩埋法甲，巴黎聖日耳門近期個勢懶勁，不過近6次主場對索察只得1勝5和，呢場可能有冷味；3.2倍D值得考慮，我就大貪啲，直頭要4.9倍「和/和」。文：畢傑