日本男星妻夫木聰噚日率領女星檀麗、國仲涼子等現身東京嘅戲院，宣傳噚日開畫嘅新片《感染列島》。電影講述人類受到病毒感染，現場仲展示咗號稱世界最大嘅口罩。趁住《感》片上畫，有片商借勢開拍搞笑版嘅《細菌列島》，由性格男星竹中直人扮演戴住黑超嘅獨裁將軍，因為受到細菌感染而頭髮變攣，外形似足北韓領袖金正日。