就快生得嘅韓國女星金喜善早前晒肚接受雜誌訪問，透露佢嗰本有關懷孕同育兒嘅書將會喺下月底推出，書名暫定叫《公主金喜善的愉快生產記》。佢話出書係想傳達生仔並唔可怕嘅訊息，仲教大家點樣佈置BB房㖭。呢本新書仲會講埋金喜善老公朴駐英，點樣當陀住B女嘅金喜善好似女王咁，可見金喜善幸福到爆。