公民黨陳淑莊日前突然同北角新光戲院業主見面，為粵劇界「成功爭取」續租三年，陳淑莊做政治舞台劇《東宮西宮》上位，忽然涉足粵劇界令人奇怪。
其實新光業主羅守輝同公民黨早有淵源，去年陳淑莊搭余若薇參選，羅守輝主動聯絡公民黨，借出名下物業皇后大道中100QRC畀公民黨懸掛巨型橫額；既然係friend，就萬大事有商量，據知今次都係羅守輝主動接觸陳淑莊，陳淑莊為粵劇界陳情，羅守輝快人快語，同意續租三年，但租金就要再傾，之後陳淑莊就喺電台公佈好消息。
羅守輝03年初以1.6億元買入僑輝大廈商場連新光戲院，如果租金調升，回報都唔錯，待北角邨重建同油街發展有着落時，再食大茶飯未遲。