書中自有黃金屋，因此50家國際古書商，無懼經濟陰霾，如期來港參加第二屆香港國際古書展。今屆古書展新加入大陸同台灣古書商、古籍拍賣商，場面應該更壯觀，只怕中、港藏家今年冇咁多彈藥、閒情去掃心頭好。
古書展有唔少矚目展品，愛書嘅，不妨留意有原作者珍．奧斯汀（JaneAusten）手寫字樣嘅《艾瑪》（Emma），售價港幣395萬元；愛錢嘅，有張1942年陜甘寧邊區銀行發行嘅民國百元鈔票，上面有毛澤東中、英文親筆簽名，價值港幣380萬元。展覽為期三日，今日下午5時至9時，喺灣仔華潤大廈香港展覽中心展覽館A1舉行，之後兩日朝11晚6開放。