百年一遇嘅金融海嘯下，最緊要能同舟共濟共度時艱，打工仔條氣也順啲；可惜呢個世界點會咁如意咁公平，惟有自強不息，才能打出一條血路。小弟也打消今年會再去英國朝聖念頭，繼續努力工作、增值自己對抗逆境。一舒鬱氣後，希望貼士醒神啲，為自己同波友打打氣，今日再捧至愛嘅雷丁上盤。
戰績亮麗升班首選
上次貼昆士柏流浪，多踢一人仍無法贏高雲地利，只靠多場波改期收回部份注碼，今季兩次重心貼昆士柏都失手，似無緣份；但呢隊波班底厚，今次賠率由熱變冷，作客到下周中將會赴奧脫福鬥曼聯爭聯賽盃決賽一席嘅打比郡，點都要博多次受讓嘅昆軍。不過重心圖像，當然攞最好嘅公諸同好，講嘅喺周六捧作客到史雲斯嘅雷丁上盤。
雷丁由季初講到𠵱家，戰績亦持續攀升，近8戰得6勝2和，碰巧長居英冠榜首嘅狼隊同期失了10分，令這兩支1、2哥嘅積分差距減至得4分；除非雷丁主力包括剛當選1月英冠球員嘅史堤芬亨特等在本月被賣走，否則我當然認為他們可直接升班去也。
對手史雲斯今季升上英冠後成和波之王，而今季主場更只錄得負伯明翰及贏過狼隊，賽績極硬淨；但信雷丁超班，而兩者在上季其實更差兩個班次，後者今次單W有2.35倍，值博率超好，中前場位位炮手，連爆發力強嘅英國小國腳列達外借收回後也寧做後備，亦唔願再他投，可見球隊前景之佳。
普雷斯頓主場夠勁
除雷丁及昆士柏外，周六英冠早場普雷斯頓亦為小弟可看好，對手般尼近期周旋於3項賽事顯得力不從心；反觀普軍一向是主場王，今季13戰10勝3負，而近5仗主場全勝，足智彩開出「讓球主客和」，不用分心，單W有2倍夠食。以上全屬良心貼士，我也必會真金白銀下注，同波友在逆境中共同進退。
近5場往績：LLWWW
蘋果波神
水準有目共睹，長跟必有着數。