挨年近晚，家家戶戶大掃除，今年經濟差，更覺急景殘年。八方聽聞，中環好多跨國投資銀行高層近日紛紛收拾辦公室，唔係得閒到有好多時間大掃除，而係因為唔知幾時要起身。有喺大行做事嘅朋友話，𠵱家裁員好即興，朝早返到公司飲咖啡，隨時食完lunch返嚟已經冇咗個位，員工證即時失效入唔到office，公司仲派人將被裁員工嘅私人物品連根拔起入箱，一星期後FedEx府上，完全不經你手，所以近日不時有FedEx箱充塞辦公室嘅壯觀場面。
為免私人物品被封箱，曉得未雨綢繆嘅人一於螞蟻搬家收拾細軟，有人甚至連私家杯都拎走改用公司杯，起身即走，亁脆利落。