賭錢幾時都要講值博率，小弟賭馬最崇拜大摩，在港從練廿多載，屹立不倒，今季更有機會第6度登練馬師寶座，向來擅玩評分講值博率；近期主帥受傷豹隱，即見不少熱門馬倒灶，可見這位長期擁馬量近爆倉嘅馬壇智者，不打無把握無分頭之仗，經過一輪狂風掃落葉，讓戰馬回氣減吓分亦屬健康正常，馬迷識得破解「魔」法幻影，其實也是賭博一種樂趣，佢啲馬唔掂，我也減注只例票跟進。
分散投資博過關
賭錢不能亂石投林，我這半季賭大摩馬算有啲收穫，套用賭波，值博率同熟悉度都係幾重要課題，喺呢個時勢唔係咁多人負擔得起買讓球盤200元一注，我寧願主攻過關，就算「評分」甚盡如近9戰聯賽7勝0失球嘅曼聯，周六作客保頓單W只得1.35倍，波友可博吓2:0，3:0波膽，或者和/主等串射其他場次過關，無必要孤注一擲喎。
不過曼聯呢類球隊，唔係本欄嘅投注宗旨，小弟今天首選冷門卡廸夫城作客勝伯明翰，周中貼後者失手，該場伯軍其實算幾「夫添」，但表現頗為失望；相反卡軍近期賽績極硬淨，聯賽近8戰不敗，以逸待勞，爆冷W絕對不奇。
其餘心水全屬自己強項──英冠，追昆士柏流浪多追一次外，心水之選當然係雷丁同普雷斯頓，靈活運用法，普軍博和/主，雷丁博作客大勝波膽。
文：蘋果波神