葉翠翠與楊秀惠昨日在上水廣場出席「風生水起扇藝展」活動，即場為扇子提字。葉翠翠去年惹上不少是非，又遭公司雪藏，問她新年會否拜神趕走衰氣？她說：「我都希望09年事事順利，以往新年我都有去拜神嘅習慣，不過今年唔會做，因為我半年前開始信主，𠵱家係基督徒，拜神、買紅底褲呢啲習俗都唔會再做。」
問翠翠是否因為過去的感情是非而需要心靈慰藉？她說：「唔係，冇關係，只係一個信仰啫！而且宗教都係導人向善，我會慢慢去聽去學。」
楊秀惠買紅底
楊秀惠則風騷地舞動扇子擺甫士影相，她表示新年向公司請假四天返馬來西亞探家人，她謂每年都買紅色內衣褲過年，祈求來年一切順利。
採訪、攝影：魯萍