可能自小專注力麻麻，喺睇歐洲球賽直播時，好鍾意將個電視遙控器周圍㩒，有時㩒到啲好睇嘅節目，仲會睇一陣先繼續睇番場波。嗰日講起，原來畢傑同青蛙仔都有咁嘅「壞習慣」。
喺周日曼、車大戰時，我又周圍㩒，無端端㩒到「絲帶台」播《為食神探》，呢套由東山紀之擔正嘅日劇，喺06年播出時於日本收視唔錯，加上用食物串起查案，幾有趣㗎！可惜喺弱台播，加上冇睇宣傳，唔慌喺香港有迴響。
講番呢期推介，荷甲聯終於歇完冬重開，梗係要捧場，川廸今屆攻力好又表現醒神，周六迎戰實力一般嘅維廸斯，[-1]照捧「主勝」。
讓球主客和：川廸勝[-1]
心得：川廸今屆醒神
近5場往績：LLWWL
吾中
買嘢講名牌，但賭波一定唔會做名牌奴隸嘅大聯盟女神。