飛輪海成員之一汪東城（大東）舊年終於還清百幾萬債，原來17歲喪父嘅佢入行前最高紀錄係同時做4份工，又試過連續48小時工作冇休息。由於要還債，大東一向好慳家，佢居然用白膠漿set頭，佢仲話每晚洗頭啲白膠漿遇熱水就會變到好似糯米團咁。原來大東以前曾經做過挑磚頭、派傳單同埋擺地攤賣飾物，之後佢做過造型助理，幫模特兒打理服飾同補妝。