不嬲都知喬治布殊唔係好貨色，早幾日聽完佢在任最後一次講話，就更加嘔心。喺呢個時勢，佢居然仲敢講奧巴馬首要任務係防止恐怖襲擊，難怪當時在場記者都忍唔住笑，擺明係恥笑！估唔到佢臨尾仲要死撐獻醜，真係要引用當年《華氏911》導演米高摩亞鬧佢嗰句：Mr.Bush,shameonyou!
喺球壇，近期都有唔少大人物失威，例如史高拉利、摩連奴，難得兩大名帥衰就衰，無話為輸波、失分死撐、搵藉口。其中摩連奴上場意甲一對卡利亞里末段下子掟足五個鋒將落場嗰份豪氣，係意甲躉最夢寐以求，今周我撐佢，就捧國際米蘭對阿特蘭大個1.7倍客W。
主客和：國際米蘭勝
心得：純粹捧摩連奴場
近5場往績：WLWWL
藍鑽石
與簡拿華路同日出生嘅囡囡入學，今季大把時間睇波，尤其係意甲。