「賣盤在即！隨便埋嚟掃貨啦！」馬略卡呢支小島球隊，有傳都頂唔順金融海嘯，短期內好大機會要賣盤！今期早飛推介，梗係要昅實維拉利爾周日主場搞掂問題多多嘅馬略卡，[-1]嘅「主勝」同「大」都要買齊！
馬略卡𠵱家排喺西甲19位，當今季連小島主場威力都冇晒，就知班波原來財政方面好唔掂，搞到球員冇晒心機賣命。上場主場0:3輸畀皇馬係意料中事，雖然佢哋周中喺西盃16強淘汰咗艾美利亞晉級，但睇嚟唔捱得幾耐，賣盤只係遲早問題。
維拉利爾有辛拿復出
睇番西盃陣容，馬略卡盡派主力如阿度里斯、艾蘭高同基巴辛坦拿等踢足全場，果然為錢晉級得幾多就幾多。博完老命，周日聯賽要作客潛在「反底格」嘅維拉利爾，肯定係一面倒戰情。
維拉利爾經過早前4連敗後，上場作客華倫西亞打出身價波，喺落後兩球之下，最後迫和3:3完場，總算止一止跌，目前叫做完成咗魔鬼賽程。雖然射手尼赫治同中堅干沙路洛廸古斯因傷預咗唔出得，但係最緊要有中場靈魂辛拿停賽復出，成班波即時唔同晒。
正如辛拿話齋，佢哋就係等一個贏波嘅機會，今周主場對住財困兼10場聯賽（3和7負）未贏過嘅馬略卡，反底大勝在望。喺度再提提大家，唔知馬略卡教練文辛奴係咪知球會有可能要變賣主力，最近叫定大量B隊嘅年輕球員齊齊操練，睇嚟賣盤嘅事越嚟越近。2.3倍「主勝」及1.59倍「大」放心去馬。文：畢傑
早飛倉
主菜：星期日23維拉利爾勝[-1]（2.3）@2,000
渾水摸魚過關：星期六8米杜士堡（下）x星期日23維拉利爾大（1.59）2x1@500
今日早餐價錢：$2,500
上日賺蝕：-$2,500
早飛倉結餘：$94,774
早飛王貼士
星期日23 維拉利爾vs馬略卡
首選︰維拉利爾勝[-1]（2.3倍）
次選︰維拉利爾大（1.59倍）
冷選︰維拉利爾勝主其他（31倍）
周末焦點
星期六48 AC米蘭vs費倫天拿
AC米蘭有卡卡剛宣佈不會轉投曼城，而碧咸料仍會得到上陣機會；費倫天拿射手基拿甸奴倒戈前球會將成焦點所在，至於重心蒙杜利禾停賽復出，可與AC比拼中場線。
星期日17 熱刺vs樸茨茅夫
熱刺領隊哈利列納曾教樸茨茅夫，相信兩者比賽風格均相當熟悉；哈利列納是焦點之一，但料不及熱刺射手廸科爾，因近年由熱刺轉投樸茅，至本月再重返白鹿徑。
星期日31 拉素vs祖雲達斯
拉素與祖雲達斯近季對碰總鬥得精采，尤其祖記隊長廸比亞路更多番射破對手大門，包括首循環主場大勝5:2亦有建功。拉素同樣有彭廸夫大勇剛連中三元。