吳亭欣04年參加港姐，但輸咗畀當年嘅冠軍徐子珊，大會嗰年搵咗現任亞視執行主席張永霖做評判，佢日前話吳亭欣當年係佢三甲心水。吳亭欣噚日聽到新老闆咁讚自己，好開心咁話：「我一定要當面多謝佢。」佢期待年初一出席亞視團拜時，收到張永霖封大利是，馮仁昭覺得吳亭欣咁賣口乖，相信張永霖封利是都唔慳得！