日本女星安達祐實上星期宣佈同諧星井戶田潤離婚，噚日出版嘅日本雜誌《週刊新潮》就爆佢哋離婚嘅原因，除咗係井戶田趁老婆大肚偷會前女友事件曝光後，曾被外母捉出嚟鬧，搞到關係唔好之外，井戶田仲曾經對安達暴力對待。話說有次井戶田瞓過龍，竟然向腹大便便嘅安達發脾氣，仲用手機掟佢，跟住要大肚老婆揸車送佢去機場，認真冇品。