維珍航空每年製作嘅利是封，都相當令人期待，事關佢哋色彩繽紛，好yeah嘅綠、紫、黃都有，睇到好鬼開心。
今年一套9款嘅利是封，以牛為主題，嚟緊係牛年嘛。據維珍靚女公關介紹，今次係根據一個典故嚟設計，即係摸牛嘅不同部位，將會帶嚟唔同嘅好運，好似「摸牛頭，起高樓」、「摸牛肚，財神到」。咁係咪唔應該食牛肚？定係要食多啲呢？
不過，靚女公關講明，今年印製數量較往年少，唔係因為經濟環境差，而係轉咗用成本高啲嘅環保紙，喺相同「筆直」下，惟有印少啲。不過咁，其實好多人收到維珍利是封，都會儲起多過派。咁今年嘅維珍利是封，會唔會有炒賣價值呢？