窩輪搏擊:博中行反攻 吼15695 - 俊樺

窩輪搏擊:博中行反攻 吼15695 - 俊樺

花旗嗰邊啲銀行要政府打救,股市就跌定先,零售數據好曳,投資者對經濟嘅憂慮加深,睇嚟奧巴馬上台嘅刺激效應正在淡化。

大摩唱淡滙控(005),滙控股價喺外圍係咁俾人㩒低,返到香港呢邊,叫做好啲,不過都要跌4元收市。
恒指跌461點,力守13000關,跌幅較最差嘅時候收窄咗好多,今日有機會反彈。
中行C輪15695:中行(3988)收1.95元,逆市升2.6巴仙,俾策略股東連番減持之後,中行喺1.90元打躉兩日,應該係時候反攻,短線睇上試2.22元,可以諗吓隻中行C輪15695。隻輪昨收17仙,槓桿率11.5倍(有效4.1倍),正股升上2.22元,15695可見28.2仙,正股跌穿1.85元就沽咗隻輪。
俊樺